Paréceme incrible que concellos españois COMPITAN por conseguir que o depósito de residuos nucleares se constrúa nos seus terreos. Competir, por definición, significa poñer empeño para conseguir algo ó que aspiras, e aspirar a algo que pode poñer en perigo a saúde dos seres vivos non o considero nin correcto nin cívico.
Semella que estes concellos non se dan conta do que conleva construír dito depósito. A enerxía nuclear, como xa dixeron os meus compañeiros mais eu anteriormente, produce unha serie de desfeitos con alto nivel de radioactividade, cuxa desintgración pode chegar a superar os trinta anos.
Respecto á pregunta de si estaría disposta a que se construíse un destes depósitos no meu concello, respondería absolutamente convencida que non. Ademais, todos os concellos da comarca veríanse afectados, co que tamén eles estarían co tanto dereito coma nós a decidir. Así e todo, moitas veces os concellos parece que só miran pola economía, deixando de lado o realmente importante que é a saúde das persoas e o medioambiente.

Desde o meu punto de vista, considero que os combustibles fósiles, xa sexa o petróleo, o carbón... son máis contaminantes que a enerxía nuclear. Se comparamos as emisións que produce unha planta nuclear coas que produce unha planta térmica (queima combustibles fósiles), podemos apreciar que unha planta de enerxía nuclear en normal funcionamento, emite vapor de auga, auga de refrixeración con carga térmica e residuos sólidos urbanos xerados polo persoal. Mentres que unha planta térmica emite CO2, CO, NOx, SO3, hollín, vapor de auga e auga de refrixeración con carga térmica e alto contido de sales.
O verdadeiro problema é que a pesar de que tecnicamente a enerxía nuclear é menos contaminante que os combustibles fósiles, é altamente perigosa, e se se producise un accidente nunha central nuclear, daría lugar a unha grande catástrofe que dificultaría a vida en moitos aspectos. Por esta e por moitas outras razóns, creo que a pesar de contaminar "menos" que outras enerxías, a nuclear é unha enerxía que ten uns poucos "pros" pero moitos "contras".

😉
E cantas centrais nucleares hai en España? Quédalles moita vida útil? Cal foi a última que se construíu? Existe a proposta de construir algunha máis?

España conta con oito centrais nucleares en funcionamento. Teñen unha idade media de 29 anos, foron deseñanadas inicialmente para unha vida útil de 25-30 anos. Garoña, con 42 anos, é unha das centrais en operación máis vella de Europa. O seu deseño é idéntico o da central nuclear de Fukushima.
No pasado houbo plans para construír en España ata 39 centrais nucleares pero os factores políticos e económicos frearon esta expansión. A pesar de que en 1984 o Goberno socialista imlantou unha moratoria nuclear, en España chegaron a construírse finalmente 10 reactores.
Deses 10 reactores nucleares actualmente hai oito en funcionamento, ubicados en seis emprazamentos (Ascó e Almaraz son emprazamentos que contan con dos reactivos cada un). A central nuclear de Vandelós I, tras sufrir un grave accidente en 1989, foi cerrada definitivamente en 1990, e a central Zorita foi clausurada en abril de 2006 debido á perigosidade do seu funcionamento.
Podemos prescindir da enerxía nuclear. Actualmente tan só presenta ao redor do 20% da electricidade producida no noso país, mentres que as renovables están aportando o 30-35% da electricidade nos últimos anos. España pode dispoñer dun sistema eléctrico 100%renovable nas próximas décadas, se existe voluntade para elo.
A última central construída en España, foi a central de Trillo en Guadalaxara, que se puxo en funcionamento no ano 1988.
Despois dun período de declive no uso da tecnoloxía nuclear, tras os accidentes de Three Mile Island e Chernóbil, houbo unha década ata o ano 2011 nas cales houbo interés pola enerxía nuclear. Algúns políticos regresaron á opción nuclear debido a que vían, de forma potencial, como unha forma de controlar as reservas de petróleo mundiais e o quentamento global, xa que este emite menos emisións de gases ao efecto invernadoiro ca os combustibles fósiles. Sen embargo a partir do accidente en Fukushima esa tendencia reverteuse.

En España actualmente ten 6 centrais nucleares, pero duas delas teñen 2 reactores, polo que se podria decir que hai 8. En teoría, deberialles quedar pouco tempo, xa que cada vez as enerxías renovables estanlle quitando terreo, xa que actualmente a nuclear aporta o 20% da enerxía que consumimos, polo 35% que aportan as renovables. Esto quere decir que as renovables actualmente son mellores, contaminan menos e aportan mais, polo que se podria decir que lles queda pouco tempo.
A última central nuclear construida en España foi a de Trillo en Guadalaxara,que leva 27 anos en funcionamento.
Actualmente, non hai propostas para construir alguna mais, o certo era que antes do accidente de Fukushima, si a habia, pero tras eso, todo quedou apartado.