As siglas EPA    indican a Environmental Protection Agency  ( Axencia de Protección Ambiental dos EEUU) . Na páxina da EPA  para nenos e nenas que hoxe incluímos no blogroll; nela ,os alumnos aprenderán divertíndose a diferencia entre clima e tempo, como funciona o sistema climático, coñecerán os cambios climáticos ao longo do tempo,  e moitas outras cousas.

Pero non todo vai ser  expositivo, senon que poderán calcular o seu impacto ambiental cando viaxan, cando están na aula, o seu consumo enerxético … e por suposto, poderán  xogar en  multitude de  actividades sobre este tema. Todo cun mesmo obxectivo: colaborar a reducir o Cambio Climático.

Para nós: Un interesante almacén de actividades para adpatar as nosas aulas. Atrevédevos a  traduzilas e metelas nos blogues de aula!

Premede na imaxe e alucinaredes:

Esta é unha das maiores vantaxes dos blogues, que podemos almacenar o noso traballo e telo a disposición cando queramos, para expor na clase, como apoio para os alumnos, para o curso que vén…

Un bó exemplo o temos no CPR San Miguel2, onde a profesora colgou unha excelente presentación sobre as manifestacións da enerxía interna da Terra para os seus alumnos e alumnas.

Tedes a presentación que se emprega na aula para a explicación da UD10 da materia de Ciencias da Natureza de 2º eso. Recordade contestar o cuestionario que vai o final da presentación.

Un axente secreto, unha pomba, un donuts e o armamento nuclear :Pigeon :Impossible,unha parodia  que acadou numerosos premios nos principais festivais de cortometraxes. Seis minutos inesquecibles da man de Lucas Martell que tardou un lustro en realizala.

Tarda un pouco en cargar, pero merece a pena esperar  para vela dun tirón.

Nas vosas máns, unha xoia se se acompaña de preguntas.

Seguimos a traballar na procura dunha fórmula do ambiente que nos permita disminuir as emisións de CO2. Sin salir da cociña analizaremos os lavalouzas e frigoríficos.

A elección dun lavalouzas cun  sistema de quentamento de agua ( xeralmente todos os de tipo A) permite diminuir  ate 45 kgs   as emisións anuais de dióxido de carbono, se esperamos a que este cheo e utilizamos un programa adecuado de aforro enerxético.Outra forma de aforrar enerxía á deixar que a louza seque ao ar parando o programa despois do último enxugamento.

Respecto aos frigoríficos : Se ides cambiar  o vello frigorífico fixádevos que teña un  sistema de control  automático de humidade   para evita-la condesación en vez dun ventilador que consome entre un 5 e un 10 % máis de enerxía.  Poderedes evitar a emisión de 14 kg de CO2 por ano.

Para saber máis, entra no simulador de electrodomésticos do INEGA

Desde a Escola Secundária D. Dinis das Escolas Climánticas en Portugal nos envían este slide de Nuno Correia, profesor da Escola Secundária de Gondomar en Maia sobre  os efectos dos factores xeológicos, ligados à dinámica da litosfera, das correntes marítimas  e, incluso  factores astronómicos nas alteracións do clima ao longo da Historia da Terra.

Non deixedes de levar aos alumnos e as alumnas a visitar os blogs dos compañeiros portugueses e animalos a que deixen comentarios. Unha forma de cimentar a Comunidade Climántica!

Os blogs, como xornais dixitais non deberían de deixar de exercer esta función, ben introducindo aos estudantes na idea dun xornal dentro do blog ou simplemente levando á aula as novedades relacionadas coa temática das bitácoras de Climántica que aparecen nos xornais e suplementos e colaborar a desenvolver as competencias desde as Ciencias cunha perspectiva da Ciencia Tecnoloxía e Sociedade.

Como exemplo para o periodismo nos blogs , desde o Temático de Comunicación, nos guían na tarefa  do xornalismo bloguero na sección Xornal Pachamama, máis concretamente no Libro de estilo   e. se falamos de prensa e escola, non podemos esquecer ó proxecto Prensa Escuela que, tódolos mércores, nos proporciona material na publicación La Voz de la Escuela , a  do mércores pasado sobre Biodiversidade 

Esta semana foi particularmente pródiga ara os nosos blogs así que vos deixamos aquí algunha referencia a artigos dos principais periódicos galegos  para que nos mostredes as actividades que ídes facer  a partir da súa lectura:

75 concellos perderon máis da mitade da súa poboación desde 1970El Progreso ( 25/01/10)

O Plan do  Litoral deseñado polo Goberno de  Feijoo, aberto a especulación. Xornal de Galicia   ( 24/01/10)

La lluvia provoca inundaciones en Carballo, Vimianzo y Coristanco. La Voz de Galicia ( 24/01/10)

Medio centenar de plantas en Galicia pueden extinguirse  El Correo Gallego (24/01/10)

Manifestación contra el almacén nuclear en Ascó Faro de Vigo (24/01/10)

El turismo y la emigración hacen emerger enfermedades ligadas a la pobreza en países desarrollados  El Ideal Gallego ( 23/01/10)

La amenaza del Cambio Climático La Región (25/01/10)

Non pensedes mal, non empezamos unha serie gastronómica. Dentro das cen propostas para  retrasar o Cambio Climático ,hoxe nos trasladaermos ós fogóns das nosas casas.

Cociñar o doble de cantidade da que ímos comer e logo quentala rápidamente no microondas  gasta menos tempo e energía, polo tento, reduce as emisións de CO2.

Se na casa se animan a facer grandes cantidades, lémbralle ós teus pais que deben esperar a que o alimento se enfríe antes de metelo no conxelador pois acomida quente pode alterar as condicións de frío do aparello e estragar os alimentos que albergaba.

O mellor é gardala en dosis individuais para facilitar  o desconxelado posterior  que debe facerse sempre no frigorífico ou a temperatura ambiente, pero nunca no forno para evitar máis emisións de dióxido de carbono.

En wikinoticia nos aconsellan como  conxelar comida  e se vos ocurre algunha idea máis para aforrar enerxía e disminuir as emisións de CO2  na cociña , non dubidedes en deixala nos comentarios.

Unha das marabillas da rede e que non deixa nunca de sorprendernos. Esta vez, desde Brasil, como non, nos mostran esta páxina na que nos animan a formar parte da asociación  Xixí no banho onde, entre outros consellos moi interesantes, anímannos a aforrar  auga dun xeito, digamos non demasiado hixiénico, pero  desde logo moi creativo e eficaz.

  En Verde: Países que asinaron o protocolo de Kioto. ·       

Amarelo: Países que o  asinaron, pero  aínda non ratificaron o protocolo. ·       

Vermello: Países que o  asinaron, pero onde a ratificación foi rexeitada. ·       

Gris: Países que non asumiron ningunha posición no protocolo.   

Unhaactividade  a partir dun gráfico: inserir preguntas acerca  da posición dos   países fronte o Protocolo de Kioto