Seminario docente sobre respostas educativas ao Cambio Climático

Recoñocido con 50 horas de formación por parte do Ministerio de Educación e tramitado pola AEPCT, Climántica, a través da súa nova derivada, Climántica Intercambios, convoca un seminario docente que se desenvolverá simultánemente e de forma complementaria co campus xuvenil no Centro de Investigaciones Energéticas, Medio Ambientaless y Tecnológicas (CIEMAT),entre o 3 e o 7 de septembro en Valsaín ( Segovia).

Unha iniciativa moi interesante para o profesorado que queira profundizar nos contidos e as metodoloxías que se aplican no campus xuvenil internacional CLMNTK15 para alumnos seleccionados pola súa participación no congreso xuvenil virtual  e os seus profesores, que ademáis, e como comentábamos máis arriba, recoñecese con 50 horas de formación.

Unha proposta  formativa de calidade para seguir desenvolvéndonos como docentes comprometidos coa educación para o Cambio Climático .

A que esperades para participar?

Descargade aquí  a convocatoria do seminario docente

 

Publicado en Axenda, Cambio climático | Etiquetado , | Deixa un comentario

Ciencia de Sofá

Desde o 2013  Ciencia de Sofá comenzou a súa andadura co obxectivo de despertar o interese pola ciencia entre o público menos  familiarizado a través do humor e con unha  linguaxe cercana e amena.

Un blog do que os nosos alumnos poden disfrutar dentro da programación de Ciencias para o Mundo Contemporáneo, encontrando a resposta a preguntas cómo:

- Que   pasaría si a Terra deixase de rotar en seco?

- Desde o punto de vista evolutivo : Poden existir as sereas?

- De verdade hai unha illa de basura no Océano Pacífico?

Como vedes preguntas de científico con respostas para todos.Divulgación científica para mentes curiosas!!

Un bo recurso que desde hoxe pasa a formar parte da nosa lista de links.

 

Publicado en Ler Con-Ciencia, Sabías que? | Deixa un comentario

Congreso Virtual CLMTK2015

Xa está en marcha o congreso xuvenil CLMTK2015 organizado por Climántica Intercambios en consorcio co Centro Nacional de Educación Ambiental (CENEAM), co Centro de Investigacións Enerxéticas, Medio Ambientais e Tecnolóxicas (CIEMAT), e coa Asociación Española Para la Enseñanza de las Ciencias de la Tierra (AEPECT)

De aquí o 31 de maio os vosos alumnos e alumnas poden enviar os seus  traballos  á plataforma virtual CLMTK2015.

De forma individual ou en grupo, os estudantes poden enviar un traballo relacionado coas temáticas do proxecto dentro das seguintes categorías:

  1. Relatos
  2. Poesía
  3. Curtos cun guión ambiental
  4. Vídeos musicais
  5. Vídeos de obras de teatro
  6. Fotografía comentada
  7. Banda deseñada
  8. Presentacións
  9. Póster
  10. Debuxos
  11. Reportaxes multimedia
  12. Páxinas web

Todos os autores de traballos que se publiquen na páxina web do Congreso CLMNTK15 recibirán unha certificación de recoñecemento de autoría emitido polas entidades do consorcio organizador e os 20 premiados, cada un dun centro educativo español  diferente, recibirá como premio a asistencia ao campus xuvenil internacional a celebrar no Centro Nacional de Educación Ambiental (CENEAM) de Valsaín en Segovia e  unha praza para o seu profesor/a orientar/a no seminario docente de investigación – acción sobre o campus. O docente orientador poñerá en marcha un proceso de selección interno para elixir no centro a un segundo alumno entre os que publicasen os produtos de sensibilización en http://congresovirtual.climantica.org.

Dentro do apartado Como participar atópanse titoriais con todos os pasos a seguir para cargar os traballos na plataforma.

Para saber máis premede aquí.

Contamos coa vosa colaboración!!

 

Publicado en Axenda, Climántica Intercambio | Etiquetado | Deixa un comentario

Cambia o Cambio Climático

Como cada ano, desde o Blog Guía de Climántica, sumámonos á iniciativa  de WWF » A Hora do Planeta», convertindo os nosos blogues nunha plataforma de apoio a esta iniciativa de concienciación frente ao Cambio Climático , un labor que desde aquí exercemos «Educando para o Cambio» durante todo o curso escolar.

Este ano, o 28 de marzo, ademáis de apagar as luces, bailaremos polo planeta !!

Publicado en Axenda | Deixa un comentario

A marea do século chega a Francia

Un artículo de inminente actualidade desde o CPR Dos Dices en Rois:

Fai 2000 anos observouse que os eclipses adoitaban de 11 anos e 8 días, pero non só estes, senón que tamén se produce un extraordinario fenómeno natural: unha marea grandemente elevada. Elevase tantísimo que é denominada como a marea do século. Ocorre cada ese tempo porque é cando a lúa realiza todas as súas fases e se alínea a perfeccion coa Lúa e a Terra. Segundo as previsión podera ser observada den hoxe ata o luns.

A marea elevarase de forma tan impactante que o nivel de preamar e baixamar subira 14,5o metros de altura en tan só seis horas, nalgúns lugares nese período de tempo o clima cambíara completamente.

O Servizo Hidrógrafico Nacional Fránces alias Shom ven pedindo dende días atras precaución dos turistas. O sábado iniciarase este fenómeno natural, a primeira deste século, xa que a última produciuse o 10 de marzo de 1997, e, a próxima esta prevista para o 3 de marzo de 2033, segundo alguns expertos a do 2033 non se presentara con tanta intensidade como a vindeira. A de esta ano dase por sentado que rozara o tope.

Para calcular a intensidade dunha marea como estás, úsase unha escala de 20 a 120, e creese que a presente acádara os 119 puntos.

Para que se produza unha marea do século teñan que colaborar catro factores:

-Ten que haber lúa nova ou lúa chea (pois manifestanse as 36 ou 48 horas destas).

-Tense que producir un equinocio (neste caso o de primaveira).

-Que a Lúa se atope na súa órbita ao redor da Terra, o máis cerca que poida.

-Que o Sol estea o máis cerca posible da Terra.

Turistas en el Mont Saint Michel el 22 de febrero de 2015.

Imaxe dunhas persoas admirando o impactante fenómeno natural.

Feito por: Catuxadices e Pauladices.

Tags:

Vostede debe rexistrarse para facer un comentaio.

Buscar

Publicado en Os mellores post de alumnos | Deixa un comentario

Vanuato, a historia continúa

«O cambio climático contribui ao  desastre en Vanuatu», dixo o presidente do país, en referencia ao ciclón Pam que sembrou o caos no Pacífico..

Unha catástrofe máis a engadir a unha historia que non vai parar e que constutúe  unha nova  xustificación para as vosas accións en Educación .

Aproveitemos a actualidade da noticia para abordar as causas e consecuencias do Cambio Climático nas aula e nos blogs de Climántica.

Para saber máis

Publicado en Cambio climático, Fenómenos naturais e catástrofes, Obradoiro de prensa e audiovisuais | Etiquetado , , | Deixa un comentario

Ferias de Ciencia

A primavera é sinónimo de desenvolvemento de ferias de ciencias en moitos centros educativos e de institucións como o Día da Ciencia na Rúa que se celebra en A Coruña a principio de maio.

Unha forma de concienciar aos alumnos e a cidadanía sobre as causas e consecuencias do Cambio Climático é levando ás ferias experiencias relacionadas.

Desde o Blog Guía animámosvos a desenvolver experiencias sobre Cambio Climático e , para facilitarvos a tarefa, deixamos dous recursos interesantes:

-Experiencias e Ideas para el Aula. Artigo de Francisco Sóñora, Mercedes Rodríguez-Ruibal e Raquel Troitiño publicado na revista de Enseñanza de las Ciencias de la Tierra.

-Actividades de Escolas Climántica para os alumnos de Primaria sobre o Cambio Climático.

Así como todo  o material que tedes na web do proxecto para fundamentar as vosas experiencias.

Deixamos tamén o link á excelente páxina de feiras de ciencia do compañeiro Antonio Gregorio onde poderedes acceder á Semana da Ciencia do IES Nº 1 de Ribeira, que adicou toda unha edición ao Cambio Climático.

A que esperades para levar experiencias sobre este tema ás Ferias ou Semanas de Ciencia?

Compartide as experiencias nos comentarios deste blog!!

Grazas.

 

 

Publicado en Axenda | Etiquetado | Deixa un comentario

ASPEA e Climántica: Un exemplo de colaboración entre comunidades educativas

En varias ocasión trouxemos ao Blog Guía información sobre as accións que desenvolve  ASPEA, Asociación Portuguesa de Educación Ambiental, que desenvolve, desde fai 25 anos, un importante labor mediambiental no país veciño: Proxectos europeos, campañas escolares, formación e iniciativas pioneras en medioambiente que fan da asociación unha referencia europea en temas de educación ambiental.

Desde fai algúns anos, como viñemos comentando no Blog Guía, Climántica colabora con ASPEA en varias iniciativas , como as xa publicadas,  II e III Jornadas de Art´Ambiente e  en tres iniciativas  actuais orientadas a establecer lazos entre as súas comunidades educativas que se consolidan en  intercambios educativos entre as redes educativas nacionais e internacionais:

Na  primeira iniciativa  unha delegación conxunta formada por 6 delegados (4 de Portugal e 2 de Galicia) participará na conferencia dos alumnos da Unión Europea Let´s take care of the planet. .

Na segunda iniciativa Climántica recibiu o encargo de formar delegacións de alumnos mexicanos e españois para participar na XXI CEI Conference “Connecting minds, creating the future for the oceans” que se celebrara na localidade de Oeiras do 28 de xuño ao 4 de xullo.

Por último o proxecto Climántica foi invitado pola ASPEA a sumarse ao III Congreso Internacional de Educación Ambiental dos Países e Comunidades de Linguas Lusófonas que se celebrará na localidade portuguesa de Torreira – Murtosa do 8 ao 11 de xullo, e que ten aberto o proceso de inscrición.

Un exemplo de colaboración internacional das que os iremos informando ao miúdo no Blog Guía. Na páxina central do programa podedes acceder a toda a información sobre os eventos.

Publicado en Axenda | Deixa un comentario

As especies e o Cambio Climático

Hoxe traemos ao Blog Guía un interesante artigo publicado por Ariadna Vázquez do IES Francisco Asorey en Cambados sobre o efecto do Cambio Climático na biodiversidade.Non vos perdades os comentarios dos alumnos.

Durante as últimas décadas estase a producir un cambio climático acelerado que, aínda que é un fenómeno de causas complexas, está producido en boa medida pola emisión á atmosfera de grandes cantidades de CO2 e outros gases de efecto invernadoiro. O devandito cambio climático dá lugar a un abano de efectos directos e indirectos. Como consecuencia estanse a producir cambios no medio físico local (temperatura, humidade do chan, luminosidade, etc.) que poden ter efectos moi prexudiciais sobre as especies con menor amplitude ecolóxica ou sobre aquelas que presentan unha distribución moi fragmentada.

Non obstante, como saber que especies corren maior risco?
Os cientícicos identificaron catro grupos de características que poden ser responsables dunha maior sensibilidade das especies ao cambio climático. As características son as seguintes:

-A dependencia dun hábitat e/ou un microhábitat especializado.
-A reducida tolerancia ou albores ambientais moi estreitos que son susceptibles de ser superados en calquera das etapas do ciclo vital.
-A dependencia dun sinal ambiental específico que é susceptible de sufrir unha perturbación.
-A limitada capacidade de dispersión ou de colonización de zonas novas ou máis favorables.

A través destes grupos, os científicos puideron averiguar que ata o 9% de todas as aves, o 15% de todos os anfibios e o 9% de todos os corais,  demostraron ser moi vulnerables ao cambio climático e están xa ameazados de extinción.

Os paxaros máis ameazados encóntranse na zona do Amazonas, o leste de América do Sur, Europa, a conca do Congo, zonas de América do norte, norte e centro de Asia e Australia. Por outro lado, os anfibios máis vulnerables son os amazónicos, de Eurasia, do sur de América do norte e Madagascar. En canto aos corais en perigo, encóntranse principalmente no Caribe e o sur do Mar Vermello, posto que o quentamento dos océanos está a destruír progresivamente algúns dos corais máis grandes e diversos do planeta.

Publicado en Biodiversidade, Cambio climático, Os mellores post de alumnos | Etiquetado , | Deixa un comentario

Galicia leva a Climántica á conferencia de alumnos da UE «Let´s take care of the planet»

 

Dous alumnos  de Climántica, representarán a Galicia na  conferencia dos alumnos da Unión Europea Let´s take care of the planet.

O proxecto Climántica e a Asociación Portuguesa de Educación Ambiental (ASPEA) seleccionarán conxuntamente aos seis alumnos  ( 2 de Galicia e 4 de Portugal) da delegación transfronteiriza Norte de Portugal e Galicia que asistirán á conferencia europea que se celebrará no Comité das Rexións de Bruxelas entre o 19 e 23 de maio.

O 20 de febreiro de 2015  , o proxecto Climántica desenvolveu unha  conferencia inicial,  no IES Virxe do Mar de Noia,  onde  se seleccionaron os dous  finalistas galegos que participarán na conferencia de segunda fase, que se celebrará en Monçao o 10 de abril.

Climántica colabora coa ASPEA en tres iniciativas orientadas a establecer lazos entre as súas comunidades educativas :
1- Delegación conxunta para participar na conferencia dos alumnos da Unión Europea Let´s take care of the planet.

2-Na segunda iniciativa Climántica recibiu o encargo de formar delegacións de alumnos mexicanos e españois para participar na XXI CEI Conference “Connecting minds, creating the future for the oceans” que se celebrara na localidade de Oeiras do 28 de xuño ao 4 de xullo.

3-O  proxecto Climántica foi invitado pola ASPEA a sumarse ao III Congreso Internacional de Educación Ambiental dos Países e Comunidades de Linguas Lusófonas que se celebrará na localidade portuguesa de Torreira – Murtosa do 8 ao 11 de xullo, e que ten aberto o proceso de inscrición.

Para  saber máis

Publicado en Axenda | Deixa un comentario