Non estou segura de que a xuventude eterna sexa realmente unha boa idea xa que a pesar de que, como moi ben di Marcos, os anos da mocidade serán posiblemente os mellores das nosas vidas, a min gustaríame vivir toda a miña vida, non permanecer para sempre "na mesma idade".
Ademais, deixando a un lado a opinión persoal, o feito de que a xente morra fai que estes deixen o seu lugar a outras persoas, explícome, se as persoas puideramos vivir eternamente non deixaría de nacer xente e estes nacementos non se verían compensados coas mortes, polo que chegaría un momento no que a Terra sufriría unha especie de “overbooking”, o que traería consigo graves problemas.
En definitiva, paréceme un gran avance poder crear órganos adaptados a cada organismo para lograr que a xente viva máis e mellor, pero creo que deberían estudarse máis os efectos que poden producir estes avances científicos.

Din que nacecemos para morrer, pero tamén para vivir a vida. Na miña opinión temos que seguir evolucionando, crecer,... pero non vivir sempre nos 17 anos.a medida que nós crecemos todo cambia e vai pa mellor, eu penso que si nos quedasemos sempre cos mesmos anos moitas das cousas que podemos facer dentro de 2 ou 3 e queremos, non poderiamos vivilas. é certo que o noso fisico é mellor na nosa xuventude que dentro duns cantos anos,pero sigo pensando en que é mellor seguir o curso da vida.

Citado de fab-noerodriguez en June 4, 2014, 19:15
No ámbito da mediciña isto sería, sen dúbida, a solución á maioría de enfermidades. Non hai máis que devolver ese órgano a un estado anterior no que teña a súa funcionalidade ao 100%. Pero creo que isto sería moi custoso. Habería que manter esa parte do corpo durante un tempo indeterminado, o que suporía un gasto enorme que non sabemos cando acabará. Pode que haxa que pagalo toda a vida... E non ten pinta de ser algo barato.

Estou de acordo con Noé, utilizar este método tal e como expón é moi posiblemente moi caro polo que non sería asequible ao bolsillo. Non obstante si vexo esta práctica moi útil na investigación, pois quizais grazas á investigación con estes órganos "fabricados" poderíamos chegar moi lonxe e realizar as probas neles en lugar de facelo con animais ou con voluntarios.

Citado de fab-martapalacios en June 7, 2014, 00:32
Este artigo dame á par que unha gran esperanza para certas cousas e ó mesmo tempo medo. Por unha parte si, a quen non lle gustaría ser "teenager" toda a vida? A adolescencia é a etapa máis bonita e tamén máis curta da vida dun ser humano e a todo o mundo lle asusta o feito de envellecer pero... Por outro lado, non credes que é xogar a ser Deus poñerse a rexenerar órganos sen ton nin son? Penso que si, é un proceso antinatural por completo. O mesmo ocorre con outro caso que teño agora en mente: poder elexir a cor dos ollos e do pelo e se será neno ou nena nun feto. Isto paréceme ademais de egoista por parte do ser humano, absolutamente antinatural. O lóxico é utilizar a ciencia para casos como poder evitar nenos con malformacións, facernos a vida máis sinxela ou curar enfermidades pero, escoller o físico do teu fillo paréceme xogar con lume. Por exemplo, agora mesmo todo pasa á moda, absolutamente todo, imaxinádevos que ter fillos varóns se pon de moda e que as rapazas, as mulleres, deixan de existir... Sería o fin da vida humana. E a inversa ocorre con este artigo. Se todos chegamos ós 18 anos e non máis, ninguén morrerá e producirase un efecto de superpoboación para o cal non estaremos preparados xa que non é "lei de vida" que algo así suceda. Está ben que se experimente e se creen cousas innovadoras que faciliten moitísimo a vida cotiá, pero con sentido común porque ás veces o remedio doe máis cá enfermidade.

Totalmente dacordo con Marta. O feito de rexenerar órganos, por un lado, é unha iniciativa moi innovadora e positiva para a sociedade, pois pode mellorar dunha forma moi significativa o noso modo e forma de vida. Pero, por outro lado, como xa comentara antes, se todo o mundo ou a maioría permanecemos para sempre na "eterna xuventude" e nadie morre, unha das principais consecuencias negativas sería a superpoboación.

Citado de fab-martapalacios en June 7, 2014, 00:32
O mesmo ocorre con outro caso que teño agora en mente: poder elexir a cor dos ollos e do pelo e se será neno ou nena nun feto. Isto paréceme ademais de egoísta por parte do ser humano, absolutamente antinatural. O lóxico é utilizar a ciencia para casos como poder evitar nenos con malformacións, facernos a vida máis sinxela ou curar enfermidades pero, escoller o físico do teu fillo paréceme xogar con lume.

Penso que tes razón: só debemos empregar a ciencia para evitar malformacións ou enfermidades, e non para intentar alcanzar a perfección. Non obstante, a posibilidade de escoller o sexo do feto moitas veces non é cuestión de capricho, senón por unha razón de peso. Por exemplo, se unha nai é portadora do daltonismo e ten un fillo con unha persoa que non o é, só os fillos varóns poderán verse afectados polo trastorno. Neste caso, se se puidese escoller o sexo do feto e se elixise o feminino, poderíase evitar ter un fillo daltónico.