Eu penso que as mulleres están perfectamente capacitadas para desempeñar os mesmos traballos ca un home, e creo que poden facelo incluso mellor. Coincido con Sara coa idea de que me parece decepcionante que nestes anos ainda haxa empleos nos que se pense que unha muller non o pode desempeñar tan ben coma un home...

Como xa mencionaron Laura, Marcos e Sara, a clasificación de xoguetes por sexos é un tema bastante grave ao que se lle debería prestar máis atención. Non obstante, non me parece de todo correcto o que afirman acerca de que as empresas obteñen maiores beneficios facendo esta diferenciación. A eles o que lles importa é vender, ben sexa a nenos ou a nenas; os pais educan ás súas fillas para que xoguen con bonecas e xoguetes relacionados coas tarefas do fogar, mentres que cos seus fillos usan coches eléctricos e outros xoguetes do ámbito da mecánica. As empresas limítanse a seguir esta tradición.
Polo tanto, eu penso que se as familias (e os profesores das escolas) incidisen máis nunha educación sobre a igualdade de sexos, isto provocaría que as xogueterías tivesen que cambiar as súas maneiras de anunciar os produtos. Ademais, conlevaría a que máis mulleres se interesasen antes no mundo da ciencia, aínda que a educación secundaria posiblemente sexa a que máis inflúa neste tema. Penso que só é cuestión de tempo que as mulleres ocupen altos cargos na ciencia, ou polo menos nas sociedades máis avanzadas.

En primeiro lugar, completamente dacordo con Sara. A roupa dos bebés ten matices machistas, sen máis nin menos que se vemos a un rapaz pequeno con roupa rosa parécenos raro porque tradicionalmente, por costume, "debería" vestir de azul. Por outro lado, creo que no tema dos premios Nobel non é que haxa machismo, é simplemente o que se dixo ó principio: se no mundo da ciencia hai menos mulleres que homes o que máis se vai premiar son os homes simplemente porque hai máis. E para finalizar, respecto á última pregunta que fixo Víctor, penso que é certo. A sociedade estamos tan acostumados a certas cousas que non nos chaman a atención pero se nos paramos a pensar hai bastantes feitos machistas. Un deles é o das misses, non entendo porque se ten que valorar a beleza dunha muller como diversión. Tamén están os anuncios de cochazos nos que aparecen ó lado dun Ferrari dúas mulleres mostrando o coche, coma se fosen incluídas nel. E así con moitas máis cousas. Ao mundo todavía lle queda moito por madurar.

A ese ultimo comentario de Victor doulle toda a razón, como di Marta hai cousas moi machistas da que non nos damos de conta ata que xa é algo tarde para remadialas. Ainda que é certo que na publicidade usan moito esos trucos de poñer homes e mulleres "perfectos", non é asi en todos os casos, e como tamén aparecen homes para os anuncios de muller nese punto discrepo con Christian porque se tamén usan modelos de homes non é machista, na miña opinión.

As mulleres están tan preparadas como os homes, ou máis. Non vexo ningunha diferencia entre uns e os outros. As mulleres poden chegar a ter cargos moi altos e desempeñalos tan ben como o faría un home e defeito, está demostrado que as mulleres maduran antes ca os homes e aínda asi continúase pensando que as mulleres só serven para estar na casa. Eu vexo unha actitud moi machista, xa que, por exemplo: no caso de que un home e unha muller igualmente cualificados vaian a unha entrevista de traballo para un cargo importante, o máis posible e que escollan ao home porque hai moita xente que aínda está concienciada en que un home o fará mellor e sen cometer tantos erros como o faría unha muller.
Esta actitud tamén pode frear ás mulleres, e que nin sequera intenten acadar o que queren ao non ver ningunha posibilidade de conseguilo. Esta actitud debe cambiar por completo dunha vez por todas e nós, as mulleres, non podemos deixar que nos infravaloren.