Dende o meu punto de vista, as medidas que se están a tomar polo goberno no noso país para superar a crise económica que estamos sufrindo dende 2008 non son as correctas. Unha crise non se soluciona con recortes, tanto en sanidade, educación, como noutros ámbitos. Isto solo fai que podan seguir adiante os que xa teñen cartos e que se poidan permitir pagar unha educación privada para que os seus fillos poidan estudar. As familias con traballos no pequeno comercio non conseguen que os seus fillos poidan estudar e saír adiante, por que sen unha beca, ou unha axuda, non poden permitirse pagar os gastos que da educación subidos polos recortes do goberno. Isto o goberno non o entende, pensa que é mellor fomentar as grandes multinacionais e non os pequenos comercios, pero isto o único que fai e que as multinacionais se fagan cada vez máis potentes e os pequenos comercios vaian desaparecendo.
Isto só é un exemplo das moitas cousas as que está afectando o goberno do noso país. Como ven dixo Víctor tamén hai recortes en ámbitos da investigación dificultando así o avance destas.
Pero neste país non so hai cousas malas, senón que penso que vivimos nun país que podería chegar a ser moi potente se conseguiramos cambiar algunhas cousas, polo que debemos seguir loitando por intentar saír desta crise, pero non coas medidas que está a tomar o noso goberno.

Dende o meu punto de vista, o ministro de Economía non realizou unha boa proposta, posto que considero que a idea de substituír as subvencións nominativas para depender das inversións privadas é algo moi arriesgado. Estas subvencións nominativas hoxe en día aseguran unha estabilidade e unha facilidade para realizar os pagos das que carecen as inversións privadas e coas subvencións podemos evitar discrecionalidades. Na miña opinión, este minitro non pensa nin colabora no esforzo global pola innovación. Ademáis, estou de acordo con moitos científicos que están en contra de esta proposta e que sinalan que este sistema non ía a funcionar en España, posto que hoxe en día estas inversións ían a ser moi escasas para poder avanzar e competir con outros países que constan de recursos moito maiores que o noso país.

Penso que investir en ivestigación privada solo da beneficios a aquelas persoas ou empresas que investiron. Pola contra,a inversión pública repercute en beneficios para as arcas públicas. De Guindos prefire inversión privada para que así eses cartos destinados en subvencións, se destinen a outra cousa, ou simplemente, aforralos.

Dende o meu punto de vista, esta proposta é totalmente inviable, non se poden reducir ou substituír as subvencións nun campo tan importante como a investigación por inversións privadas, xa que non fai falla pensar moito para decatarse de que hoxe en día moi poucos poderían realizar tales ingresos.
Ademais, isto privaríanos de realizar moitas investigacións segundo os intereses das grandes empresas que son, en definitiva, os únicos que poderían invertir os seus cartos, posto que se o que se intenta descubrir perxudica ou non favorece a estas empresas, entón, isto carecerá de fondos.
En definitiva, penso que esta é outra das innumerables medidas do goberno para deter o noso desenvolvemento e así poder controlarnos mellor, ata chegar ao punto que cando intentemos cambiar isto, nos decatemos de que xa non temos ningunha opción.

Na miña opinión a reducción das subvencións non é unha boa proposta posto que a ciencia é un campo importante para a creación de beneficios económicos aínda que teña custos elevados. O campo da medicina é un campo que precisa destassubvencións porque á larga acaban dando beneficios aínda que a investigación e probas que se realizan ós medicamentos para enfermidades sexan custosos. Producen beneficios a través das patentes, da súas ventas, os cales acaban producindo un beneficio maior que os custos que levou fabricalos.
Coa substitución das subvencións o Estado podería aforrar cartos que servirían para investilos noutros campos importantes, pero os inversores privados non teñen porque estar dispostos a investir noutros campos que non lles interese. Polo tanto, dende o meu pounto de vista, substituír as subvencións por privadas é algo moi arriesgado que podería perxudicar a este campo.