Fa un tempo lin unha noticia que dicía así: "A Ciencia aínda non cre que España dese xa os primeiros pasos cara á recuperación económica, como asegura o Goberno. Polo menos non ata que se note na asignación presupostaria para I+D+i. O diñeiro dedicado a Investigación, Desenvolvemento e Innovación sufriu unha serie de constantes recortes dende 2009, que non mellorou en absoluto o morno aumento presupostario de 2014."
Dende o meu punto de vista, os recortes no ámbito científico o único que están traendo como consecuencia é que non haxa diñeiro para investigar e que, á súa vez, os mozos científicos se vaian do país para conseguir traballo. Ademais de supoñer un grandísimo retroceso, convertíndonos nun país pouco competitivo no que á ciencia se refire.
Parece ser que non hai diñeiro nin para educación, nin para saúde nin para investigación. Pero entón, para que hai diñeiro? Non hai máis que ver na televisión como o Goberno promete incrementos para o presuposto do I+D+i; pero o único aumento de presupostos que realmente hai é para gastos militares. Falando en cifras, en dous anos os investigadores do Exército van duplicar o seu presuposto, mentres que os que traballan na I+D pública téñeno conxelado.
Finalmente dicir que, en épocas de crise considero lóxico que poidan subir os impostos ou chegar a reducir presupostos nalgúns ámbitos, pero o que non se debería tocar nunca son a educación, a saúde e a investigación, pois estas supoñen a base do noso futuro. Como ben di o título do foro: "Sen ciencia, non hai futuro".

Os recortes só traen problemas e máis problemas. Recortar en sanidade, educación ou investigación está traendo e trae cousas malas para as xeracións futuras. España sempre soeu estar máis retrasada co resto dos países de talla máis grande, e agora vese por que. Non é lóxico que un país do primeiro mundo faga este tipo de cousas que ao final só perxudican aos alumnos e profesores (educación), pacientes e médicos (sanidade) e a todo o país (investigación). Digo todo o país porque a investigación é algo moi importante, para modernizarse, para non quedarnos atrás.
Que deste noso país, se vaia xente altamente cualificada, só é culpa do Goberno e das súas "xeniais" ideas.
Despois, somos sumisos ante Alemaña. Actualmente manda máis Merkel que o propio presidente deste país. Isto, na miña opinión, tamén fai que España non poida estoupar todo o que ten. Ten que haber un momento no que lle fagan fronte.
Mentres algúns sigan mirando só o seu embigo, nada se vai poder facer. Moitos dos ministros, etc. deberían baixarse os soldos, e non quitarlle cartos a ámbitos tan importantes e fundamentais nun país. E lamentablemente, penso que o pobo está sendo sumiso ante o Goberno e non pode ser, o Goberno debería temer ao pobo, moito. E mentres isto sexa asi, uns seguirán miles de cartos, e aínda por enriba, levandoos a paraísos fiscais, outros están na rúa, sen fogar e con fillos. Debería darlles vergonza aos grandes xefes deste país, ver como este se está consumindo. Ás veces o capitalismo é unha enfermidade. Penso que si esto continúa asi, nuns anos pode haber unha revolución do pobo.

O coñecemento é o don máis valioso que unha persoa ten. É inxusto e hipócrita que recorten na educación, limitando así as oportunidades do noso progreso, e xogando co futuro. Pretenden que avancemos sen darnos marxe para facer o que queremos, obrigados a elexir entre unhas certas asignaturas impartidas polo reducido profesorado que incluso abrangue materias sen estar formados nelas. E ademáis, impoñendo unha nova lei basada na memorización, e na teoría dos conceptos, cando a maior forma de aprender, é coa experiencia.
A investigación, por exemplo, é un campo no que se está continuamente avanzando e descubrindo cada día novas metas que nos axudan en todos os ámbitos, e pensados para o tratamento das enfermedades e o benestar do propio cidadán. Recortando neste campo, limítanse os acvances, e desta forma, non haberá maneira de progresar e lograr saír desta situación.
Na miña opinión hai moitas ganas de traballar, pero as numerosas trabas, fan que as persoas capacitadas e preparadas se vaian a outros países para exercer, e se esto continúa así, xamáis sairemos da crise, porque desta maneira non se favorece ao país.

Eu creo que a investigación científica é algo que é necesario; a ciencia avanza a pasos axigantados, e se no noso país queremos gañarnos un lugar no campo da investigación a nivel mundial, obviamente necesítase financiación. Este feito non é algo imposible coa crise económica que sofre o noso país, dado que neste país tan "austero" que temos, fináncianse con gusto cousas ás veces innecesarias e mellor non mencionar a corrupción que existe neste país. Con isto o que quero dicir é que tanto a investigación como outros sectores son esenciais, e deixar de apoialos económicamente suporía sufrir graves consecuencias.

Dende o meu punto de vista, os países en crise tamén poden poñer da súa parte para mellorar cambiando o modelo produtivo, indo dun modelo baseado no turismo e a construción, a outro baseado na investigación e na innovación, pero esto non será posible se éstas non son financiadas. Polo tanto, quedaríamonos estancados.

Sen dúbida penso que os excesivos recortes que se están a producir nos campos de investigación , tales como na sanidade e a educación, poden favorecernos a curto prazo para poder afrontar a crise económica. Pero, tamén temos que pensar que con estes recortes, poñemos en risco o desenvolvemento do noso país en investigación. Penso, dende o meu punto de vista, que debemos propoñer recortes en todos os ámbitos por igual, e non aumentar recortes en ámbitos tan importantes como son a educación e a sanidade. Estos recortes excesivos poden ser necesarios, pero non nos axudan como deberían. No noso país contamos con persoas brillantes e con capacidades todavía sen explotar, e é unha magoa que estas persoas teñan que marchar do noso país para poder ter oportunidades para estudar e conseguir traballo.