Estou totalmente dacordo cos anteriores comentarios das miñas compañeiras, xa que parece que a xente non é consciente do gran problema do consumismo, polo que menos serían capaces de facerse responsables de algo do que non son conscientes. Como ben dixeron as miñas compañeiras, facer campañas publicitarias e educar á cidadanía dende os nenos aos pais e avós, sería un bo comezo para poder dar un paso e cambiar o abuso do consumismo. Ademais, é a maneira máis fácil para chegar ás persoas e intentar conciencialas para que nun futuro poidan facerse responsables para conseguir un cambio de hábitos e racionalizar o noso consumismo. Eu penso que isto sería un proceso moi longo e lento, xa que creo que a algunhas persoas lles costará entrar en razón máis que outras, e algunhas xa directamente non querrán saber nada do asunto. Aínda así, estaría ben intentalo.

Coincidindo co que din os meus compañeiros e repetindo máis ou menos os mesmos argumentos, considero que a sociedade aínda non é consciente nin da metade da trascendencia que supón tal problema. Pero aínda así, creo que do mesmo xeito que nadie nos está obrigando a consumir de forma abusiva, tampouco se debería impoñer ningún tipo de medida para que esto non sexa así. Con esto quero dicir que cada un é quen de discernir entre o que está ben e o que está mal, decantándose polo que cada individuo considera correcto, xa que eu podo estar en contra, pero calquera outra persona podería estar a favor de consumir innecesariamente. O que si sería acertado son as campañas de información e educación cidadá para concienciarnos da problemática, fancéndonos ver que a meirande parte das cousas que se compran non se precisan realmente. Considero que desta maneira si se podería chegar a conseguir un cambio, por moi mínimo que sexa, nas mentalidades desta sociedade capitalista.

Dende o meu punto de vista o consumismo e a Obsolescencia programada veñen nun mesmo pack; con isto quero dicir que o consumismo lévanos a obsolescencia programada e viceversa; por exemplo: poderíase fabricar un móbil que dure 10 anos, pero ninguén o compraría xa que a xente o que quere e ter as ultimas tecnoloxías e se mercan un móbil que dure 10 anos nese período de tempo o móbil quedará máis que obsoleto, por isto os fabricantes deseñan uns móbiles que duran moito menos e así neses 10 anos merquemos 5 móbiles en vez de un. Este é un claro exemplo de consumismo que nos levou a una situación de obsolescencia programada .
Eu creo que axente de clase alta seguirá mercando en exceso xa que quizais non sexan tan conscientes dos problemas que conlevan o consumismo , sen embargo a aquelas persoas de clase media baixa quizais teñan máis en conta o consumismo abusivo.
Respecto as medidas de prevención do consumismo abusivo eu non creo que teña que ser imposto obrigatoriamente xa que cada quen e libre de mercar o que queira cos seus cartos e tampouco se podería levar un control do que merca cada persoa, ou se o que merca elle necesario ou non, pero o verdadeiro problema de todo isto é o lixo que producimos co consumismo abusivo. Quizais sí se deban facer charlas ou conferencias para mostrar a verdadeira importancia que ten o sobre consumo a que esta sociedade está acostumada.

A crise económica é unha das razóns ou causas da crise sistémica: crise do medioambiente, crise financeira, crise social, etc... Polo tanto actualmete esta crise estanos axundando a comprar aplicando o sentido común, debido a que é unha das causas principais e queremos deixar de estar nesta situación.
Sen embargo, penso que nun futuro volverá a suceder o mesmo xa que se tería que produir un cambio en toda a sociedade para deixar de realizar esta actividade, xa que esta relacionada co prestixio e para diferenciarse das clases baixas, polo tanto, nun futuro seguirá sendo o mesmo.

Na miña opinión, está claro que a crise económica actual está producindo cambios no consumo da xente, mais non porque esta situación fixera que a sociedade se dera de conta do problema que agocha o consumismo, senón porque nos vemos obrigados a medir con moita precisión e sentido común o diñeiro que podemos gastar, o que nos leva a mercar unicamente o imprescindible para vivir, a evitar comprar cousas innecesarias e a non cometer excesos.
Mais, ao meu parecer, en canto volvan os tempos de bonanza, volveremos a practicar un consumismo irracional, pois seguiremos sen velo como un problema. Ademais, despois dun período difícil marcado pola redución de gastos, ansiaremos sentirnos poderosos posuíndo enormes cantidades de bens e volveremos a “refuxiarnos” no consumismo abusivo.