Eu penso que a sanidade, a educación e a ciencia son os sectores nos que menos deberían recortar, xa que se poden considerar os máis importantes de cada país, e para o seu desenvolvemento. Como dixo Marta, con recortes en sanidade as enfermidades medrarían. Se recortan en ciencia, en investigacións científicas, non poderán conseguir novas menciñas para estas enfermidades, por exemplo. E a educación é a base, e nosa formación é imprescindible para conseguir un futuro máis ou menos estable.
Polo tanto, eu creo que deberían recortar en outros sectores menos importantes, ou nos que non dependan tanto do futuro da sociedade.

Non deberían facer recortes excesivos na ciencia, xa que aciencia é algo imprescindible, porque grandes avances na mediciña e gracias á ciencia podemos chegar a curar moitas enfermidades que hoxe en día son mortais, como o alzheimer. Deberíase recortar un pouco de todo.
Como ben din os meus compañeiros, aumentar o prezo dalgúns productos para logo invertir na ciencia sería algo verdadeiramente bo.

Ao noso país, para saír da crise, faille falta investir moitos cartos na ciencia e nos nosos estudantes. Si á educación se lle recorta por todos os lados, non teremos moita saída da crise xa que os estudantes non poderán formarse como bos científicos. O noso país, en vez de apostar e invertir diñeiro en Educación e en Ciencia, prefire gastar diñeiro para traer cousas dos outros países, os cales non están en crise porque preferiron invertir pola boa educación dos seus estudantes.

Nestes momentos a ciencia e a innovación o é todo. Mentres que no pasado, a construcción chega a un punto non que xa non da máis de si, sempre hai algo novo que descubrir no ámbito científico. Polo tanto, este, xunto coa educación e sanidade, debería ser un dos puntos intocables en canto a recortes. A ciencia é futuro, pero tamén é presente, pois non deberiamos quedar atrasados respecto a outros países que superaron crise, senón tomar exemplo.

A ciencia é fundamental en calquera país, xa que a investigación científica é base para a curación de enfermidades e así aumentar o nivel de vida, á vez que se poden desenvolver novas tecnoloxías boas para a saúde en moitos casos tamén e para a economía dun país, xa que nesas novas tecnoloxías inverten tamén outros países, creando unha economía fluída para o país, cousa que non se consegue por exemplo coa construción. Estou moi dacordo con Yamila. Debería crearse unha lei fixa para a sanidade e educación, e non que cada vez que lle antolle a un goberno cambien as leis sobre eles. Non é comprensible que queiran manter a un país desenvolto e mesmo igualalo aos países nórdicos cando alí teñen claro que a sanidade e educación non se tocan e que aquí sexa a onde máis se recorre cando hai que facer recortes presupostarios. Si se apostara pola educación e investigación científica, dándolle subvencións e non recortando, poderíase chegar a un nivel de desenvolvemento parecido ao dos países nórdicos, xa que a xente estaría mellor formada, pero non como a situación actual, a chamada ''fuga de cerebros''. Non só hai que formar á xente, senón que hai que proporcionarlle os medios para que investiguen e teñan emprego, e non que teñan que emigrar aos países onde si lle ofrecen esas oportunidades. Como bo exemplo do investimento en ciencia e ensino podemos fixarnos na evolución destes dous campos e na súa influencia no nivel e calidade de vida do país dende principios do século pasado ata hoxe en día. A medida que estes campos foron adquirindo importancia, o nivel de vida foi indo a mellor, dende unha sociedade pobre, enferma e sen educación, ata unha sociedade onde a maioría da poboación está escolarizada e cunha notable maior calidade de vida que antes. Tamén cabe destacar que de onde si se debería recortar sería, como ben dixeron os meus compañeiros, das chamadas ''drogas legais''. Subíndolle os impostos a estas substancias non só conseguirían beneficios económicos que poderían ser investidos en ciencia e outros importantes sectores, senón que tamén se conseguiría unha sociedade con mellor calidade de vida. Outro factor importante para recadar cartos que poden ser investidos en I+D sería que os gobernantes se comprometeran co benestar do país e que cada un non mirara só polo seu propio ben e os do seu arredor, xa que están en cargos moi importantes onde o que prima é o benestar do cidadán, que unhas veces acertadamente e outras non tanto, foi quen os escolleu para estar no goberno do país ou territorio.