En pouco tempo van poñerse no mercado os tomates de cor púrpura. Tratarase, concretamente, de exemplares que foron modificados xeneticamente (“tomates transxénicos”) e terán unha cor moi semellante á dos arándanos. O que se fixo neste caso foi introducir no tomate normal, xenes dunha planta orixinal da costa mediterránea que é rica en antocianinas (antioxidante beneficioso na prevención do cancro). Agora poderiamos alimentarnos de tomates ricos en antocianina.
Na Unión Europea, a opinión pública é contraria aos alimentos transxénicos aínda que os investigadores (máis de 300) involucrados nesta experiencia pensan que o tomate morado pode axudar a que os europeos teñan unha percepción máis positiva dos transxénicos, percibidos ata o de agora como unha ameazada para a saúde e o medioambiente.

Para a reflexión:
“Considerades que este caso é suficiente como para ter unha visión positiva dos alimentos transxénicos? Coñecedes os argumentos nos que se basean os detractores do consumo deste tipo de produtos? Estariades dispostos a consumir produtos transxénicos? Que lle esixiriades á Administración que permite o consumo deste tipo de alimentos? Cal é a vosa opinión xeral sobre este asunto?”

Na miña opinión non se debe ter unha visión boa ou mala en temas como o dos alimentos transxénicos, senón que o mellor é ser obxetivo. Un alimento transxénico pode afectar á nosa saúde de diversos modos, algúns beneficiosos, outros non tanto, e outros perxudiciais, polo que non se pode ter estrictamente una opinión a favor ou en contra, e menos xulgando o concepto de transxénico en xeral por un solo caso, para ben ou para mal.
As persoas que están en contra deste tipo de alimentos, fanno moitas veces sen saber realmente de que están a falar, ou aportando argumentos que teñen pouca validez. O argumento maioritario en contra dos transxénicos é a posibilidade dun erro que podería causar danos na saúde humana ou no medio ambiente.
Dende o meu punto de vista, os alimentos transxénicos poden supoñer un gran avance na ciencia e poden ser moi beneficiosos na nosa saúde se se desenvolven correctamente. Casos como o de este tomate, provocan un efecto positivo no noso organismo, axudando por exemplo na reducción da probabilidade de ter cancro. Tamén quere conseguirse cos transxénicos que os alimentos duren máis tempo, que poidan cultivarse certos vexetais en climas máis extremos, que o tamaño dalgúns froitos sexa maior... Todo isto sería de gran axuda en moitos casos.
Por outro lado, a visión negativa que se ten deste tipo de alimentos ven dada a que pola nosa natureza animal, tendemos a desconfiar do que non coñecemos, como este tipo de alimentos. Pode ser que haxa transxénicos que sexan perxudiciais para a saúde por diversos motivos, como un fallo na elaboración, pero iso non nos permite afirmar que todos os transxénicos son malos nin negarnos a que sexan postos en venta, xa que se alguén desexa consumilos debería poder ter acceso a eles.
Por todo isto, penso que deberían ser postos en venta pero sempre con etiquetas visibles (non posto en letra pequena) para que as persoas que desexen consumilos poidan tomalos e as persoas que non desexen consumilos poidan evitalos.
Porén, hai que ter moito coidado con este tipo de prácticas xa que un erro podería supoñer unha catástrofe.

Modificar xeneticamente un organismo non é doado, e como cabe de esperar, estos poden provocar efectos daniños no organismo de aqueles individuos que os consuman. Polo tanto, opino que debería facerse un estudo profundo sobre este tipo de produtos, porque a pesar de estar inxeridos no mercado, non existe ningún. Non obstante, tense mencionado que pode ser perxudicial para, no caso das plantas, os cultivos orixinais, e outras supostas desvantaxes das que non podemos posuír moita certeza, xa que non existen realmente investigacións acerca deste tema.
Os alimentos tranxénicos, en si, son parte do desenvolvemento da ciencia e sen dúbida, como no caso deste tomate, poden resultar moi beneficiosos. Pero creo que como consumidores, deberíamos esixir unha demostración da calidade destes produtos, e como mencionou Noelia, no ámbito do etiquetado, que nos aporten correcta información sobre os alimentos que compramos.

Dende o meu punto de vista, este caso non é suficiente como para ter unha visión positiva dos alimentos tranxénicos, aínda que axuda a mellorar a mala imaxe que se ten deles. Os alimentos tranxénicos poden afectar á nosa saúde, pero neste caso dunha maneira positiva, beneficiando a prevención do cancro. Se todos os alimentos tranxénicos fosen así de beneficiosos para nos, ninguén ou case ningúen tería unha mala visión sobre eles, pero non é o caso. Eu creo que estaría disposta a consumir algún producto tranxénico sempre e cando pasase un control de saúde e estivese demostrado que pasase ese control. Non penso que sexa tan malo consumir este tipo de productos, pero o de que sexan manexados tira un pouco para atrás, tendo o orixinal, un alimento sano e natural. Eu o que lle diría á administración que permite o consumo deste tipo de alimentos é que se asegurase dos efectos que poden causar estes alimentos na vida de moitas persoas, que se asegurase de que pase todos os controis de saúde, e que pase máis de un, e que comproben se pode ter algunha reacción alérxica nas persoas, etc. É normal que a xente rexeite estes productos, estamos acostumados a ver unha mazá verde, un plátano amarelo, un tomate vermello... E atoparnos agora con que unha mazá pode ser laranxa ou un tomate púrpura fai que dubidemos de se ese producto é bo para a saúde. Pero en resumo, non está mal que vaiamos evolucionando ata tal punto que a ciencia consigua obter tomates púrpura, outra cousa é que estes productos se cheguen a converter nun alimento habitual nos hábitos de comida de moitas persoas.

A miña opinión sobre alimentarnos con alimentos tranxénicos, eu provariaos xa que son beneficiosos para a miña saúde, e certo o que di fatima sobre que se nos pode facer raro que unha mazá que era sempre vermella ou verde que tamén sea de cor laranxa. pero tamén noto un poco de inseguridade ao ser un alimento manipulado.