Úrsula Martínez do IES Valle – Inclán de Pontevedra e Álvaro Castro do IES de Arzúa, dous dos alumnos máis premiados e activos de Climántica, entrevistaron ao doutor Pichs Madruga, presidente do grupo III do IPCC sobre Mitigación do cambio climático,presidente do grupo III do IPCC sobre Mitigación do cambio climático. A actividade enmarcouse no marco da reunión do IPCC que se celebraron na sede da Fundación Barrié en Vigo entre os días 6 e 9 de novembro e desenvolvuse en paraelo con educaBarrié, a canle edcuativa da Fundación Barrié.
As preguntas, que vos poden ser úteis para mostrar nas aulas foron:
- Cales serían as funcións e estruturas básicas do IPCC?
- Poden ter interese as políticas actuais de cambio climático para atacar a crise económica actual global?
- Se os países máis vulnerables ao cambio climático son os menos culpables, e o 25% da poboación está a consumir o 75% dos recursos, ¿cales serían as posibles solucións para intentar reequilibrar?
- En que rexións do mundo haberá máis secas e inundacións? Poderán existir tamén rexións favorecidas?
- Cales son os principais avances e frustracións dos cumios de Bali, Copenhague, Cancún e Durban?
- Considera vostede que nesta loita fronte ao cambio climático, podemos atopar nós oportunidades profesionais?