Mínimo solar profundo en tempos de cambio climático

imagen

Hoxe visitamos o IES Praia Barraña de Boiro un excelente blog  coordinado por Ana Urbieta que xa vai polo  segundo ano de publicación. Neste post vos mostramos un excelente exemplo de como o cambio climático actúa como fío conductor de tódolos bloques de Ciencias para o Mundo Contemporáneo.

Seguimos recibindo sinais alarmantes do Cambio Climático que está en marcha, como a desintegración de placas de xeo antártico de enormes dimensións. Sabemos que os cambios climáticos están relacionados, tanto coa variación da cantidade de radiación solar recibida como co destino desa radiación.

Canto maior é a actividade solar, maior é a cantidade de enerxía que recibimos da nosa estrela. Pois ben, os astrónomos que estudan as manchas solares, un signo da actividade solar, avisannos de que nos encontramos nun mínimo solar.

Se a pesar desta baixa actividade solar notamos os efectos do quentamento global que está en marcha, que ocorrerá cando o sol recupere a súa actividade normal ou entre nun ciclo de actividade solar máxima, nun contexto de aumento do efecto invernadoiro polo incremento de CO2 e outros gases de invernadoiro na nosa atmosfera?

Recentes investigacións atribúen o fin da civilización maia a unha sequía provocada por un ciclo de máis de douscentos anos de máxima actividade solar.

Esta entrada foi publicada en Biblioteca de actividades e etiquetada , . Garda o enlace permanente.

Deixa unha resposta