Miniquest: Terremotos

imagen

Imaxe: Alerta Terremotos

ESCENARIO

Tódolos días se producen terremotos nalgún lugar do planeta. Por desgracia, no 2009 levamos padecido dous importantes: en Italia e Afganistán.  Como poderedes ver cando desenvolvades a tarefa, non todos se converten en catástrofes , así no terremoto de China  de maio do 2008  morreron máis de  85000 persoas, mentres que no ocorrido en Xapón  en xullo  do 2007  o número de vítimas foi moi inferior.

A vosa familia vai trasladarse a un lugar con un historial sísmico e características xeolóxicas que o fan especialmente vulnerable  a un terremoto de magnitude similar aos que citamos. Por este motivo, vos ides a converter por 50 minutos en sismólogos e sismólogas que estudaredes algún dos terremotos máis recente.

As  conclusións que  extraiades do estudo vos servirán para entender mellor  estes fenómenos naturais e elaborar un manual de urxencia ante terremotos para os vosos familiares.

TAREFA

Tomando como fonte de información ás catro  páxinas que citamos  ao final da miniquest e por parellas, deberedes responder a estas preguntas:

  1. Que converte a un terremoto nunha catástrofe?
  2. Cantos terremotos tiveron lugar a semana pasada en Europa?, e en Asia?, comentade a súa intensidade e tentade argumentar os resultados da vosa pescuda a partir de datos históricos sobre sismos.
  3. Analizade os datos dos terremotos de Italia e Afganistán ocorridos o 6 e o 14 do mes de abril  deste ano: Describide o epicentro, a súa magnitude na escala Ritcher a orixe do terremoto, e a situación respecto as placas tectónicas e as  características xeolóxicas destes dous países.
  4.  Comparade o número de vítimas e danos materiais: que reflexións acerca do perigo destes  dous sismos podedes extraer?, en que vos baseades? Relacionalo coa intensidade na escala de Mercalli que se lles asignou.
  5. Na península Ibérica: Onde e máis probable que ocorran estes fenómenos?, Por que?
  6. Que consellos  e información lle indicariades aos vosos familiares antes, durante e despois dun terremoto? e  se se tratase dun tsunami?

PRODUTO

Deberedes contestar ás  preguntas 1-5  nun documento Word, argumentando ás respostas  a partir de táboas de datos comparativos construídas por vos mesmos e elaborar un manual  para actuacións fronte a terremotos.

O tempo do que dispoñedes para esta actividade e de dúas sesións na aula multimedia. Para calquera dúbida podedes utilizar o foro do centro onde esta aberta unha conversa sobre este tema.

Enlaces

Alerta Terremotos

Earthquest en español

Curso Virtual sobre terremotos

Páxina sobre terremotos de angelfire

Fontes: BBC Mundo

Esta entrada foi publicada en Fenómenos naturais e catástrofes e etiquetada , . Garda o enlace permanente.

Deixa unha resposta