III Congreso de Autores Climántica

imagen

Xa quedan poucos días para que remate o prazo de presentación de traballos dos estudantes para o Congreso de Autores.

Coméntovos dende aquí algunhas ideas que se están desenvolvendo nos centros, dentro de cada unha das categorías :

  1. LITERATURA: Contos, relatos de ficción con formato de noticias, ensaios, poemas, acrósticos, libros de haikus….
  2. MULTIMEDIA:  Vídeos, presentacións relacionadas cos temas de Climaeucambio ou de CCMC sempre baixo o eixo do cambio climático  ( traballos nos blogues, a escaseza de auga, pandemias…), entrevistas gravadas a mariscadores, avós, etc. Curtos cun breve guión.
  3. EXPRESIÓN ARTÍSTICA: Fotografías (cunha reseña do autor/a), pósteres científicos, debuxos, cómics, teatro, partituras musicais, cancións…

Podedes anima-los rapaces voluntariamente a participar ou ben inserir a actividade dentro do traballo de aula (desde o noso punto de vista, a opción máis acertada didácticamente) de forma que a avaliación dos mesmos se integre na avaliación sumativa e, unha vez revisados, envialos.As bases recóllense neste documento que se presenta con formato póster para que se poida imprimir e poñer nos taboleiros das aulas. Cada traballo que se envíe deberá ir acompañado da ficha de inscrición na que o autor/a ou autores (máximo 3 membros por grupo) describan o que desexan comunicar co traballo. Os traballos remitiranse á seguinte dirección de correo electrónico concursos@climantica.org. O prazo de presentación de traballos vai desde o mes de febreiro ata o 10 de maio do 2009. Todos os traballos teñen que ter a súa ficha de inscrición enviada a concursos concursos@climantica.org  e se o envío se completa por correo ordinario a:

Climántica

Consellería de Medio Ambiente – Dirección Xeral de Desenvolvemento Sostible

San Lázaro s/n

15895  Santiago de Compostela

 

Se tedes algumha dúbida, deixádea nos comentarios deste post para que a resposta poda ser útil para toda a comunidade.

Esta entrada foi publicada en Axenda e etiquetada . Garda o enlace permanente.

Deixa unha resposta