Campaña publicitaria fronte ao Cambio Climático
Unha boa forma de animar ós estudantes a publicar nas bitácoras de aula é utilizando o blogue como plataforma para un concurso mundial sobre slogans publicitarios fronte ó Cambio Climático.
O concurso debe ir dirixido ós países do continente que emite máis CO2, que poden coñecer en directo desde o site “minuto a minuto” de Discovery Chanel, o que dará xogo a que traballen en diferentes idiomas.
Como tarefa previa podedes executar algunhas das actividades que nos recomendan no apartado de publicidade do cnice media para formalos nas estratexias básicas da linguaxe publicitaria e convocar posteriormente un concurso nos blogues.Os gañadores podedes dalos a coñecer desde o blogue guía, deixándonos nun comentario o post que queredes que dupliquemos e os nomes dos autores.
Os máis “expertos/as” poden utilizar as distintas aplicacións do Caixón de Ferramentas, como a que usamos para facer a imaxe deste post.
Tags: Cambio climático, campañas
Xoves 12 de Marzo do 2009 ás 2:06 pm
Moi interesante este post, sobre todo polo tema da motivación, intentarei aplicalo para motivalos na publicación dos diferentes post!
Un saudiño
Xoves 12 de Marzo do 2009 ás 10:01 pm
Ola Ramón:
Da gusto encontrarvos por aquí
Un bico
Martes 17 de Marzo do 2009 ás 9:36 am
O traballo é moi interesante, pero teño un traballo previo urxente, que é dar a coñecer o noso blog aos meus compañeiros de centro. Xa o fixen en moitas ocasións pero sin sentalos diante do ordenador, a ver se son quen de captar adeptos.
Tampouco descarto propoñerlle esta actividade aos rapaces en vistas as vacacións de semana santa.
moitas gracias polos recursos.