Imaxe: Ministerio de Sanidade e Consumo
Unha das competencias que debemos traballar nas bitácoras de CCMC é a matemática; si no primeiro trimestre Ramón Cid nos animaba a utilizar as escalas, o bloque de saúde facilítanos a tarefa.
A OMS e outras institucións publican estadísticas sobre a saúde mundial que podemos tratar no blogs desde múltiples perspectivas e moitos xornais publican artigos sobre matemáticas e vida cotidiana entre os que podemos seleccionar os relacionados coa saúde.
A modo de exemplo, deixamos algunhas actividades útiles para desenvolver a competencia matemática:
- Comparar datos entre países ( mortalidade ,ECV, tabaquismo).
- Analiza-la evolución de epidemias como o dengue e incluír datos climáticos que evidencien a relación entre a súa expansión e o Cambio Climático.
- Utilizar un mapa mundial interactivo para analizar a situación sanitaria de distintos países.
- Calcular o IMC e abrir un debate no foro sobre alteracións alimentarias (anorexia, bulimia, vigorexia…).
- Traballar con porcentaxes a partir de artigos de prensa para discutir o efecto dos hábitos de vida e consumo nas ECV.
- Estudar a correlación entre o nivel de colesterol e o tipo de dieta .
- Interpretar un ECG.
- Expresar como gráficos estatísticos datos sobre o tabaquismo.
- Comparar os datos dunha análise de sangue cos valores normais.
- Calcular o risco cardiovascular.
- Elaborar unha dieta
- E moitas máis…