 O título deste post é, nin máis nin menos, o que deberemos facer nas aulas de CCMC. A tarefa no é doada…. pero a rede nos lanza axudas.
Desde a páxina da OEI que apoia á “Década da Educación para un Futuro Sostible” instituída pola ONU, podemos descargar o libro Como promover o interese pola cultura científica editado en 2005 por UNESCO-OREALC.
O libro responde a unha iniciativa conxunta da Oficina Rexional de Educación da UNESCO para América Latina e o Caribe (OREALC/UNESCO Santiago), dos grupos de investigación en didáctica das ciencias das universidades de Valencia e Alacante, en España, e do IPLAC (Instituto Pedagóxico Latinoamericano e Caribeño, con sede na Habana).
O texto, que podemos descargar por capítulos nos nosos ordenadores,  invítannos a participar dos resultados da investigación en didáctica das ciencias que permiten abordar o serio problema do desinterese dos alumnos polas materias científicas.
Ao longo das catro partes en que está dividido, os autores amósannos estratexias para aumentar a motivación dos rapaces, suxiren actividades para traballar sobre temas directamente implicados en CCMC e a reflexionar sobre a visión da ciencia e da actividade científica que lles transmitimos.
Unha boa lectura nun bo momento do curso.
Moitas grazas Susana, por compartir todos estes materiais con nós. A verdade que o simple feito de materializar un Blogue para as Ciencias para o Mundo Contemporáneo e poñelo a disposición do noso alumnado e de nós mesmos xa é unha grande Motivación para todos e todas….os meus alumnos e alumnas están emocionad@s e xa están participando no debate do Foro….ete é un principio.
Saúdos